إبن العم .. رحمة الله عليك


Image

نيالو يلي كان بسوريا وقت بدت الثورة .. ونيالو يلي لساتو موجود .. الله سبحانو أنعم عليكون انكون تكونو بأرض البطولة وتجاهدو بسبيل الله .. العيشة بالغرب خلتنا نخاف من كلمة جهاد، دائماً مرتبطة بأسامة بن لادن وهيك، لحد ما بدت الثورة بسوريا، صرت ما خاف احكي عن الجهاد، الجهاد بسبيل الله لندافع عن الوطن والأرض وعن عرض اهلنا .. صرت ابكي كل ما إسمع صديق أو قريب طلع خارج سوريا مشان إيكمل بحياتو .. ما طلع مشان إيكمل شغل ليساعد يلي بالداخل .. صرت إفتخر لماً اسمع إنو هل شب صار مجاهد ومن الثوار ، مجاهد في سبيل الله .. ووالله ما في أحسن من الشهادة نيالكون الله ختاركون .. بس في ناس طلعو .. وفي ناس عم بحاولو يدخلو سوريا بأي طريقة مشان إينالو الشهادة .. وفي مجاهدين خارج سوريا عم يعطو كل وقتون ومالون مشان الثورة
يوسف الأقرع من الناس يلي عن جد نادر إنلاقي متلو .. بتذكر أيام السلمية ومظاهرات جوبر يبعتلي هو ومحمود الله يفك اسرو الفيديوهات مشان إرفعون ويا الله شو كون خايفة مشانون قلون إنو خلص ليش عم تصور ما مشكلة لا تصور ديرو بالكون ، كان رسام وبحب الرسم، كان يبعتلي شو يرسم وفي مرة دخلت لقيت ايميل وراسم صورة راح إحتفظ فيها طول حياتي ، صورة رح بتضل معي يا يوسف لحد ما موت .. سامحني إذا قصرت معك .. يا رب تكون بأعلى جنة يا يوسف مع الرسول صل الله عليه وسلم .. عن جد واجعني البي .. محمود يا رب الله يفك أسرك وين ما كنت .. الله يصبر بيت الأقرع .. هي نعمة وبشكر الله عليها إنو الله ختار من العيلة شهداء ومن بيت الكردي والرفاعي وإدريس والشيخ والكل .. يا رب تكتبلي الشهادة ما بعرف كيف بس بتمنى إستشهد بسوريا بحمص بجوبر

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s